Imzo

So'nggi qadam- yo'q bunda imkon.
ayrilmoqqa bo'ldikmi rizo ?
Ishqqa dastxat qo'ygandik bizlar
Nechun baxtga qo'ymadik imzo ?

Yo'llar turfa, manzillar olis
Bir nuqtada tutashmas illo.
Uchrashmoqqa qo'ygandik dastxat
Visol uchun chekmadik imzo.

Ortda qoldi muhabbatimiz
Sevgimizga boylandi nizo.
Unutmoqqa qo'ygandik dastxat
Baxtsizlikka qo'ymaylik imzo.

Baxtiyor Komilov