JAVOBIM BOR

Зангори осмонга қараб, ўйга толасан баъзида...

- Дунёга нима учун келдим?
Манзилим қай томонда? Якуни қаерда?
Ва нима учун ?

Саволлар тўрига тушиб тўлғонасан, тўлғонасан, ечими йўқдай, гўё...

Бирдан, неварангнинг қиқирлаб кулганию, шодон югуриб келиб, бўйнингдан қучгани хаёлларингни тўзғитади...
Ахир, ахир, мана- ку ечим!

Шу биргина кулгу саволларимга жавоб бўлди!
Биз ҳаётимиз давоми учун яшаймиз, майли, сабр этагига ўралашсак-да , турли қийинчилик деворига бошимиз урилса-да, мудом ҳаётимиз якунига етмасин, фарзанд- невара, давомчиларимиз камолини кўриб юрайлик...

Сокин ва мусаффо осмонга мағрур боқаман: Саволларга жавобларим бор менинг...