Juda chiroylisiz haqida sher

Bahor tarovatin sizda payqadim,
Siz uchun chog'landim bitmoqqa g'azal.
So'zimga ishoning yolg'on aytmadim,
Juda chiroylisiz, judaham go'zal.
Yo'limda uchratdim nogahon Sizni,
Balki uchrashtirdi taqdiri azal.
Shu lahza his etdim ilohiy hisni,
Juda chiroylisiz, judaham go'zal.
Oldin ko'rmagandim bunday husnni,
Yuragim yig'ladi,uchratgan mahal.
Qo'limdan kelmadi avramoq uni,
Juda chiroylisiz, judaham go'zal.
Ko'zimni kechiring boqqani uchun,
Totli umringizga bermasman xalal.
Borimni berardim boqishiz-chun
Juda chiroylisiz, judaham go'zal.
Men shunday bolaman, go'zallikka o'ch,
Faqat sal samoviy,xayoli sal-pal.
Mening bu holimga parvo qilmang hech,
Juda chiroylisiz, judaham go'zal.
Dunyoda nur soching, yorug'lik soching,
Olamni qutqarar go'zallik derlar.
yomonko'z boqmasin,ulardan qoching,
Juda chiroylisiz, judaham go'zal
Istagim, saqlangsiz Iymonni qalbda,
Dunyoga qiziqmang, U sizni aldar.
Aql o'rgatmadim, yaqin oldim-da,
Juda maftunkorsiz, judaham go'zal