Mehri soxta mehribonlarim

Kelmasdilar yoqlab qoldilar
Jon jon deya jonim oldilar
Yuragimga armon soldilar
Mehri soxta mehribonlarim

Yoqchilikda yoqlab kelmaslar
Qarindosh yo jigar demaslar
Mening uchun xech kim emaslar
Mehri soxta mehribonlarim

Beklar kabi davron suringlar
Davralarda mag'rur turinglar
G'iybatimni qilmay yuringlar
Mehri soxta mehribonlarim

Kongil izlab ko`zingiz suzmang
Men g'aribni tinchini buzmang
Insoniylik rishtasin uzmang
Mehri soxta mehribonlarim

Yillar yuvib dildagi izni
Yana taqdir uchratar bizni
Mehringizdan aylanay sizni
Mehri soxta mehribonlarim...