O‘zgarib kettik

O‘tib ketdi u damlar
O‘zgaradimi odamlar
Birov birovga hozir
Bermaydiku yordamlar

Tilda shirin so‘zlaymiz
Dilda neni o‘ylaymiz
Xatto sherikni sotib
Faqat foyda ko‘zlaymiz

Ko‘rmayapti ko‘zimiz
Qotib ketdi yuzimiz
Hammasiga sababchi
Aslidachi o‘zimiz

Halololmi yo harommi
Bo‘lmay qoldi hech farqi
Ba‘zi mahsulotlarni
Aqlga sig‘mas narxi

Ayrim bir savdogarlar
Qo‘shib sotdi insofni
Berilib mol dunyoga
Unutdi oxiratni

Erk berib tilimizga
Har bir gapda so‘kindik
Yolg‘on va zalolatning
Daryosiga cho‘mildik

Mehr qoldi chetlarda
Uni ishlatmay qo‘ydik
Har kun intrnetlarda
Laykni ketidan quvdik

Kim kechdi bolasidan
Kim kechdi oilasidan
Xabar ham olmas kimlar
Otayu onasidan

Uchib shayton so‘ziga
Quchdilar nomahramni
Egallab olmoqdami
Yovuzlik bu olamni

Eh odamlar men sizga
Aytdim dardli nolamni
Kimlar bosib ketyapti
Asrab yurgan lolamni

Muallif: Abdulla Murodulla