Odamzod (2019)

Mehmon bo'lib dunyoga ,yig'lab kelar odamzod,
Hayotga hech to'ymasdan, yig'lab ketar odamzod..
Borligingda kelmagan, so'nggi bor yo'qlab kelar,
Muhtojlikda bermagan, qo'y so'yib to'ylar qilar.

Umr oqar suvidek, to'xtamay oqaverar,
Kutmay yongan yashindek, yoshlik ham o'taverar.
Mangu yashayman degan, nodonlar ham cho'kdilar,
Davrin surgan zolimlar, bir kun ko'z yosh to'kdilar.

Dunyo zarlarin sochib, aldab qo'yar begumon,
Bag'riga kirsang bormi, sho'ring qurar batamom.
Berilmay saroblarga,ogoh bo'lgin odamzod,
Xaq yo'lidan ketsang, kelajak bo'lmas barbod.