Qora tun

Tun.....
Shafaqni sachragan cho'g'ini yutib,
Tim qora haybating olamni qoplar.
Kaftingda ufurgan nafasing ortib,
Bir tomchi marjondek ummonni ho'plar.

Atrofni qamragan go'zal qora tun,
Darding ne yashirinib olis qochasan.
Sukunat ichida nigoxing maxzun,
Armonlar bag'rida hijron quchasan.

Charag'on yulduzlar charos ko'zida,
Yashaysan olamni nurin simirib.
Chambarak gardishning sarxush yuzida,
Maqzadsiz kezasan qayon izg'irib.

Shamollar ermaklar unsiz nolangni,
Vujudingni jonlatar baland qoyalar.
Oxista shivirlab aytgan allangni,
Sarmastidan tong vaqt nixoyalar.
Tun.....

Yusupova Zulfiya.