So'lim shaharlar shahri (2019)

O'tdi qaro zamonlar, keldi nurafshon kunlar,
Zulmat asta yengilib, xaqiqat bosh ko'tardi.
Uzun daryolar bo'ylab, oqqan begunoh qonlar,
Tuproqqa belangan sha'nlar, tuganmas moziylar dardi.

Azim tarixlarga jo Xiva, Buxoro, Qarshi,
Ta'rifingga til ojiz, so'lim shaharlar shahri.

Ona Vatan, yashnagan, senga oshufta dillar,
Ko'ksingga shamol tegsin, nari ketsin armonlar.
To'xtamay jahon kezgin, zabt etilsin cho'qqilar,
Mustaqil O'zbekiston, surgin davru-davronlar.

Azim tarixlarga jo Xiva,Buhoro, Qarshi,
Ta'rifingga til ojiz, so'lim shaharlar shahri.

Kunda to'y-u tantana, tunda oydin kechalar,
Iloyim ko'z tegmasin, boqiy bo'lsin tinchimiz.
Dovrug'ing oshib borib, dunyo uzra taralar,
Shuhratingdan ko'z quvnab, yayraydi quvonchimiz.

Azim tarixlarga jo, Xiva, Buxoro, Qarshi,
Ta'rifingga til ojiz, so'lim shaharlar shahri.