Umr

Узатамиз яна бир йилни,
Янгисини кутамиз интиқ.
Улғаямиз яна бир йилга,
Ёшлик ўтар,
Кексалик тортиқ!

Аримайди лабда табассум,
Кузатамиз ёшликни аста.
Ахир, умр ўзи бир ютум,
Кексалик хув одимлар хаста.

Қутлаб барча, қиламиз ният,
Ғаниматдир сония хатто.
Хеч тўхтамас югуради вақт,
Ўтиб кетган ғўр ёшлик хато.

Ўзгарувчан бунчалар инсон,
Янги йилни кутар у ўзи.
Вақт келганда ўксиниб, нодон,
"Кексалик!"- деб, ёшланар кўзи...