Yaxshi odamlar

Yoningda bõlganda omading kular
Risqing ham , tole'ing sarbaland bõlar.
Qadringni , qaddingni payvasta qilar,
Hayotingda bõlsa yaxshi odamlar.

Bilmayin bosganda nogahon tikan,
Taning qaqshatgani yurakka ziyon.
Ollohning buyurgani bõladi , ishon,
Hayotingda bõlsa yaxshi odamlar.

Omading ketganda , dõsting berkinar,
Qavmu-qarindoshlar poyi qirqilar.
Ziyonu-zaxmatlar ortga chekinar
Hayotingda bõlsa yaxshi odamlar.

Haloldan topsang gar bir burda noning,
Xaromni yutganda qiynalsa joning.
Tarix sahnida kõp yozilar noming
Hayotingda bõlsa yaxshi odamlar.

Haq bõlsang , ayondir ul Mahshar kuni,
Taqdirning izmidan chaqnar uchquni.
Peshonangda ne bõlsa, kõrasan shuni,
Hayotingda bõlsa yaxshi odamlar.

Omadingni Olloh beradi ishon,
Qõlingga tutqazar, baxt, taxt va imkon.
Õzingdan qoldirsang yaxshi nom- nishon,
Hayotingda bõlsa yaxshi odamlar.

Ollohga bur yuzing, sajdaga qõy bosh,
Mevali daraxtga otilarkan tosh.
Yeganing tatiydi, xazm bõlar osh,
Hayotingda bõlsa yaxshi odamlar.

Pok yashab, hayotdan bahralar olgin,
Yomonlik qilganni OLLOH ga solgin.
Iymoning but qilib, insofli bõlgin,
Hayotingda bõlsa yaxshi odamlar

Mohim , Sen oldinga tashlagin qadam,
Haq bõlsang , Haq tomon boraver ildam.
Dunyoga bir bora kelarkan odam,
Hayotingda bõlsa yaxshi odamlar.

Muallif : Mohira Isroilova